Edhe pse Ministria e Shëndetësisë nuk ka përditësuar ende raportin për 24 orët e fundit, mësohet se ka disa raste të reja me COVID në Shqipëri.
Konkretisht, në Durrës janë shënuar 4 raste të reja me COVID-19. Një rast është në bashkinë e Durrësit. Dy raste janë kontakte të rasteve të mëparshme në Sukth.
Në Krujë shënohen 4 raste të reja me Covid-19, priten përgjigjet edhe për 60 tamponë të tjerë
Në Korçë, dërgohen 5 tamponë në ISHP si të dyshuara për Covid-19, priten përgjigjet.
MSH bëri me dije se dje janë konfirmuar 66 raste të reja. Harta u zgjerua me 32 raste në Tiranë, 12 në Krujë, 7 në Vlorë, 6 në Durrës, nga 3 raste në Shkodër dhe Fier, nga 1 rast përkatësisht në Tropojë, Lezhë, Elbasan. Pas pak priten rezultatet e testeve për 24 orët e fundit.
