Një konflikt midis dy qytetarëve ka degjeneruar mbrëmjen e të dielës në një ngjarje të rëndë, ku një 61-vjeçar është arrestuar nga forcat e policisë pasi ka shtypur me qëllim një grua 55-vjeçare me makinë.
Ngjarja ka ndodhur në lagjen Kërtollaj, Gur i Zi, në Shkodër ku ata janë fqinjë.
Sipas informacioneve, shtetasi H.S. ka përplasura me mjetin e tij Mitsubishi 55-vjeçaren K.H. për arsye ende të padetajuara, duke shkaktuar thyerjen e këmbëve të kësaj të fundit, dhe duke tentuar të largohej më pas nga vendngjarja.
Personi u arrestua nga forcat e policisë, dhe do të procedohet me akuzën “plagosje e rëndë me dashje”. ndërkohë që e plagosura është dërguar për ndihmë mjekësore më të specializuar në Spitalin Traumës në Tiranë.
