Një 24 vjeçar ka rënë në prangat e policisë në Përmet, pasi drejtonte një makinë pa leje dhe me të transportonte dru të prera në mënyrë të jashtëligjshme.
Mësohet se ” në vendin e quajtur “Kryqëzimi i Ballabanit”, Këlcyrë, kanë ndaluar shtetasin H. Sh., i cili po transportonte me një mjet tip furgon, dru të prera në mënyrë të paligjshme, pa dokumentacionin përkatës. Gjatë kontrollit të dokumentacionit, shërbimet e Policisë kanë konstatuar se shtetasi H. Sh. po drejtonte mjetin pa leje drejtimi.”
24 vjeçari ishte banues në Gjirokastër dhe do të procedohet për veprat penale “Drejtimi i automjeteve në mënyrë të parregullt” dhe “Prerja e paligjshme e pyjeve”.
Materialet i kaluan Prokurorisë, për veprime të mëtejshme.
