Banorët e fshatit Armen në Bashkinë Selenicë denoncojnë atë që e quajnë braktisje nga Qeveria qëndrore e Bashkia në 3 dekada. Rruga dhe uji, janë dy prej problemeve që thonë se po boshatisin fshatin.
Mungesa e infrastrukturës është shqetësimi kryesor për banorët e fshatit Armen në bashkinë e Selenicës.
Banorët tregojnë se investimi i fundit aty daton tre dekada më parë.
Prej asaj kohe kanë parë vetëm të ashtuquajturin çakull elektoral.
“Rruga jonë ka vite kështu, është në gjendje të mjerueshme.”
Depozitat mbi taracat e shtëpive tregojnë për mungesën e ujit.
Banorët thonë se investimet nuk kanë munguar, por hedhin hije dyshimi për abuzime e për pasojë furnizohen me orare shumë të reduktuara.
“Nuk ka as ujë, as rrugë.”
“Ka mbi 10 vjet që nuk kam ujë dhe nuk e mbyllin kontratën.”
Thonë se drejtuesit vendor dhe përfaqësuesit në Parlament i kanë zhgënjyer.
Sidomos këta të fundit, që siç thonë banorët, shumë premtuan e asgjë nuk bënë.
E hakun thonë se do tua marrin me votë.
“Kur janë votimet bëjnë shumë premtime dhe nuk mbajnë asgjë. “
Të harruar në tokat e të parëve, thonë se shumica e kanë kërkuar jetën më të mirë në vende të tjera.
Thuajse gjysma e banorëve është larguar në 30 vite.
“Fshati ka pasur 500 familje, tani mund të jenë 100.”
Pjesa më e madhe e fshatrave në qarkun e Vlorës janë ankuar në vazhdimësi për mungesën e investimeve nga bashkitë, ku të gjitha tashmë drejtohen nga e majta.