Koordinatori i Reanimacionit për Covid, Krenar Lilaj i ftuar në emisionin Open në Top Channel, ka rrëfyer rastet më të dhimbshme për të në këtë situatë të pazakontë që është futur sistemi shëndetësor në vend por edhe në të gjithë botën për shkak të koronavirusit. Ai ka thënë se rasti më i rëndë që nuk mund ta harrojë kurrë, ishte ai i djeshmi ku një grua shtatzënë humbi jetën, për shkak të komplikacioneve nga Covidi.
“Eksperienca të dhimbshme ka shumë. Por ajo që më ka mbetur në mend është ajo e djeshmja. Ku dy mjeke të reja ranimatore qanin kur humbi jetën gruaja shtatzanë. Ishte shumë e dhimbshme. Një eksperiencë tjetër ka qenë një mjeke infeksioniste që do të merrte turnin dhe qante nga ngarkesa e madhe emocionale kur shikonte aq shumë të sëmurë që vinin në urgjencë. Ishte fundjavë, janë situata mjaftë të vështira që nuk i harron në jetë. Janë të rënda. Insistoj që njerëzit të ruajnë vetveten, ne jemi aty dhe këtë punë do ta bëjmë por duhet të ruhet edhe ezaurimi fizik i bluzave të bardha,”-tha Lilaj.
Ai shton më tej:
“Një e sëmurë me covid e cila kishte insuficencë të rëndë respiratore. Kjo shkakton mbajtjen e fëmijës. Në kushte të tillë fëmija e ka të pamundur të mbijetojë, por ky komplikacion rëndon edhe nënën. Kjo ndodhi. Të gjithë gratë shtatzanë janë të rrezikuara. Të ruajnë veten“.
