Të dënuar për vjedhje/ OFL u dërgon formularin e vetëdeklarimit dy subjekteve të radhës në Tiranë

Shqipëria

Të dënuar për vjedhje/ OFL u dërgon formularin e vetëdeklarimit dy subjekteve të radhës në Tiranë

Më: 20 nëntor 2020 Në ora: 13:02
OFL

Operacioni Forca e Ligjit u ka dërguar këtë të premte formularin për deklarimin e pasurisë 2 personave të dënuar për vjedhje me armë.

Bylbil Thika dhe Erjon Cenokaçi do të duhet të deklarojnë pasurinë e tyre. Thika banues në Tiranë është dënuar për vjedhje me armë ndërsa Cenokaçi është dënuar për vjedhje me dhunë.

Njoftimi i plotë i OFL-së:

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

Bylbil Thika, banues në Tiranë, i dënuar për veprën penale “Vjedhja me armë”, kryer në bashkëpunim;

Erjon Cenokaçi, banues në Tiranë, i dënuar në Finlandë për veprën penale “Vjedhja me dhunë”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

Shfaq komentet
comments powered by Disqus
Sot mund të lexoni Shfletoni kopertinat