Mbërrin i ftohti polar në Shqipëri, njihuni me parashikimin e motit

Shqipëria

Mbërrin i ftohti polar në Shqipëri, njihuni me parashikimin e motit

Më: 15 janar 2021 Në ora: 07:38
Ilustrim

Vendi ynë sot do të mbizotërohet nga alternime kthjellimesh dhe vranësirash duke sjellë mot me diell por që herë pas here do të ketë dhe zhvillim të vranësirave, të cilat do të sjellin reshje të izoluara dëbore, më të theksuara në zonat juglindore. Edhe fundjava pritet të jetë e ftohët.

Sipas Meteoalb, sot temperaturat do të pësojnë një rënie të ndjeshme, ku do të variojnë: në zonat malore, nga -10°C në -2°C, në zonat e ulëta nga -2ºC në 05°C dhe në zonat bregdetare nga 01°C në 07°C.

Era do të fryej në drejtim Verilindor ndërsa forca e valëzimit në det do të jetë 3-4 ballë.

Kosova sot do të mbizotërohet nga alternime vranësirash dhe kthjellimesh të cilat do të sjellin mot të paqëndrueshëm i shoqëruar me reshje dëbore në pjesën më të madhe të territorit. Temperaturat do të pësojnë një rënie të ndjeshme ku do të variojnë: në zonat malore nga -9°C në -2°C dhe në zonat e ulëta nga -6°C në 01°C.

Shfaq komentet
comments powered by Disqus
Sot mund të lexoni Shfletoni kopertinat