25 Prilli është dita e ndëshkimit për Rilindjen që i shërbeu vetëm interesave të saj, varfëroi shqiptarët dhe shpopulloi vendin.
E këtij mendimi është kryetarja e LSI Monika Kryemadhi, përcjell Ora News.
Përmes një video-mesazhi në rrjetet sociale, Kryemadhi shprehet se entuziazmi shihet më së shumti te gratë shqiptare, të cilat e duan ndryshimin për familjet dhe fëmijët e tyre.
Monika Kryemadhi: 25 Prilli është dita e ndëshkimit më të rëndë për Rilindjen që duke i shërbyer vetëm interesave personale të saj varfëroi njerëzit dhe shpopulloi vendin nga rinia.
Entuziazmin për këtë ditë e ndjej më së shumti te gratë shqiptare, të cilat duan ndryshim për familjet e tyre, për fëmijët e tyre. Ju jap fjalën si grua, si nënë, se bashkimi në këtë moment historik do na bëjë të gjithave krenare për ndryshimin që po sjellim në jetët e fëmijëve dhe familjeve tona.
