Incidenti në Berat me furgonin e Bashkisë me ushqime, çështja i kalon SPAK, dy të akuzuar për korrupsion aktiv në zgjedhje

Shqipëria

Incidenti në Berat me furgonin e Bashkisë me ushqime, çështja i kalon SPAK, dy të akuzuar për korrupsion aktiv në zgjedhje

Më: 20 prill 2021 Në ora: 12:27
Foto ilustrim

Pas kapjes në flagrancë të furgonit të Bashkisë Berat,që ishte mbushur me ushqime për tu shpërndarë nga Partia Socialiste në këmbim të votës, drejtues të Partisë Demokratike dhe Lëvizjes Socialiste për Integrim kanë bërë kallzim penal mbrëmjen e djeshme në Prokurorinë e rrethit Gjyqësor Berat,ku më pas u shoqërua edhe furgoni i ngarkuar me ushqime.

Për disa orë me radhë në Prokurorinë e Beratit janë marrë në pyetje shoferi i furgonit Hekur Komani dhe kryetarja e Rajonit bashkiak nr.2 Joana Melëngu,që është njëkohësisht edhe anëtare e një prej KZAZ-ve në Berat. Burimet zyrtare nga Prokuroria e Rrethit Gjyqësor Berat bëjnë me dije se,Melëngu dhe Komani kanë deklaruar përpara Oficerit të Policisë Gjyqësore se,ushqimet që ndodheshin në furgon ishim ushqimet për familjet e prekura nga pandemia Covid-19.

Sipas 2 punonjësve të bashkisë,ushqimet po transportoheshin në magazinat e Drejtorisë Arsimore të Bashkisë Berat për të liruar sallën e konferencave ku ishin vendosur prej disa muajsh. Pas deklarimeve të marra dhe denoncimit të bërë nga opozita, Prokuria e Beratit ka vendosur ta përcjellë dosjen për hetim në SPAK,për mungesë kompetence në këtë hetim.

Burimet zyrtare të Prokurorisë deklarojnë se,Joana Melëngu dhe Hekur Komani akuzohen për: Korrupsion Pasiv në zgjedhje”, parashikuar nga Neni 328 i Kodit Penal.Prokuroria e Beratit është në pritje të hetuesve të Spak për të kqyrur furgonin e sekuestruar nga Prokuroria e Beratit mbrëmjen e djeshme si dhe marrjen në dorëzim të dosjes hetimore.

Shfaq komentet
comments powered by Disqus
Sot mund të lexoni Shfletoni kopertinat