Kreu i Partisë Republikane Fatmir Mediu ka qenë i pranishëm në takimin e OSCE PA në Stamboll për “Forcimin e konektivitetit për të garantuar Energji dhe sigurinë ushqimore në kohë krize”.
Mediu bën të ditur se në takim folën Ministri Jashtëm i Polonisë Zbignev Rau Kryetari i radhës i OSBE dhe Komisioneri për Energjinë e BE. Këta të fundit, theksuan nevojën për diversifikim të burimeve të energjisë dhe shkëputjen nga varësia e Rusisë.
Po ashtu në takim u theksua nevoja për ndërlidhje me vendet e prodhimit të gazit siç janë Azerbaxhaini nëpërmjet TAP dhe TANAP.
Kujtojmë se Shqipëria merr një peshë të veçantë nëpërmjet TAP dhe lidhjes me IAP.