Prurjet e mëdha të shiut nga moti i keq në vend rrezikojnë banesat që ndodhen poshtë përroit në fshatin Dragobi në Kukës, njoftojnë autoritete përkatëse, ndërsa i gjithë territori i Qarkut Kukës vazhdon të jetë i përfshirë nga reshje shiu me intensitet dhe i shoqëruar me erë të fortë.
Rrugët në Kukës janë të qarkullueshme, përveç rrugës që lidh fshatin Shipshan me rrugën nacionale bashkia Tropojë si rezultat i rrëshqitjes së dherave .
Në rrugën që lidh lagjen Balshaj të fshatit Tropojë e Vjetër si rezultat i prurjeve të mëdha të përroit rrezikohet një urë.
Rezervuaret janë në monitorim në të gjithë Qarkun.
Furnizimi me energji elektrike është normal përveç Nj.Ad Bicaj, Ujmisht, Bushtricë, Grykë-Çajë dhe fshatrat Pistë, Mgull, Qam dhe Gëdheshtë bashkia Kukës, Nj.Ad Lekbibaj bashkia Tropojë.
Furnizimi me ujë të pijshëm është normal.
Përditësim im orës 16:30 datë 20.11.2022.
