Dy adoleshentë janë përfshirë në një konflikt të dhunshëm këtë të martë në Korçë. Policia njofton se gjatë zënkës, një nga adoleshentët ka plagosur me thikë një 17-vjeçar.
Ky i fundit ndodhet në spital jashtë rrezikut për jetën, ndërsa autori është vënë në pranga.
“Më datë 11.04.2023, në lagjen nr. 10, Korçë, shtetasi M. B., 19 vjeç, banues në fshatin Barç, Korçë, gjatë një konflikti, dyshohet se ka dëmtuar me mjet prerës (thikë), një 17-vjeçar, i cili aktualisht ndodhet në spitalin e Korçës, jashtë rrezikut për jetën”, thuhet në njoftim.
Grupi hetimor po punon për sqarimin e plotë të rrethanave të ngjarjes.
