Deputetja e Partisë së Lirisë, Monika Kryemadhi thotë se kandidatët e Ramës që janë në SPAK për afera të ndryshme e kërcënojnë atë.
I ftuar në emisionin “Log.” në Panorama TV, Kryemadhi ngriti dyshime për një marrëveshje të mundshme mes Ramës dhe ish-ministrit Saimir Tahiri, i cili është në burg.
Sipas Kryemadhit, Rama e pranon kërcënimin sepse prandaj është peng i bandave, ndërsa theksoi se ai është frikacak.
Monika Kryemadhi: Unë kam përshtypjen se ata e kërcënojnë
Endri Xhafo: Nuk besoj se është nga ata që e pranon kërcënimin
Monika Kryemadhi: Edi Rama e pranon kërcënimin sepse prandaj është peng i bandave
Agim Baçi: E mban kërcënimin
Monika Kryemadhi: Jo nuk e mban dhe është frikacak i madh
Endri Xhafo: Atëherë pse Saimir Tahirin e kemi sot në burg?
Monika Kryemadhi: Ku e di ti çfarë marrëveshje ka bërë Saimir Tahiri me Edi Ramën? I bën tre vjet burg dhe ruan paratë e veta që ka bërë me kanabizimi.
Agim Baçi: Mund ta ketë pazar edhe te Lefter Koka?
Monika Kryemadhi: Nuk e di për Lefterin, por edhe Lefteri pazarin e ka bërë. Ai u arrestua vetë për të shpëtuar bashkëshorten dhe djalin. Në vendin e gjykatës djali është kryesori.
