Prej orës 10:00 të ditës së sotme po zhvillohet në Gjykatën e Posaçme në Tiranë seanca për masat e sigurisë kundër Sali Berishës.
Avokatët e zotit Berisha, Genc Gjokutaj dhe Sokol Mëngjesi kërkojnë rrëzimin e vendimit të shkallës së parë që vendosi detyrim paraqitje dhe ndalim të daljes jashtë vendit për ish-kryeministrin.
Sali Berisha vetë nuk është paraqitur as në seancë për njohjen me masën e sigurisë dhe as përpara OPGJ-së.
“Kërkojmë që të shuhet masa e sigurisë për shkak se zbardhja e vendimit tejkaloi afatet” ishte një nga argumentet që parashtroi mbrojtja.
Sali Berisha po hetohet për korrupsion për dosjen e privatizimit të kompleksit “Partizani”.
