Një makinë e tipit “Volkswagen” ka marrë flakë gjatë ecjes në lagjen nr.16 të qytetit të Korçës.
Ngjarja ndodhi rreth orës 16:09 të ditës së martë (23 janar), dhe sipas policisë, nuk ka dëme në njerëz.
Ndërsa ende nuk dihen shkaqet që çuan në djegien e automjetetit.
Korçë/Informacion paraprak
Më datë 23.01.2024, rreth orës 16:09, në lagjen nr. 16, Korçë, ka rënë zjarr në automjetin tip “Volkswagen”, në përdorim të shtetasit B. M., i cili ka qenë në ecje e sipër. Si pasojë, nuk ka dëme në njerëz.
Grupi hetimor po punon për sqarimin e rrethanave të ngjarjes dhe përcaktimin e shkaqeve të rënies së zjarrit.
