Kryetari i grupit parlamentar i Lëvizjes Socialiste për Integrim, Petrit Vasili me anë të një statusi në faqen e tij në “Facebook” ka reaguar për deklaratën e kryeministrit, Edi Rama në lidhje me drogën.
Vasili shkruan se, kryeministri nuk lodhet së gënjyeri , duke deklaruar disa herë që e kishte asgjësuar thotë se vazhdon por do ta zhdukë brenda një viti.
Këto deklarata janë që të inkurajoj drogën dhe kriminalitetin, duke shtuar se ka mungesë totale të rezultateve.
Statusi i plotë
Kryeministri nuk lodhet së genjyeri për drogën.
Kryeministri deklaronte qindra herë më parë, pa u skuqur hiç, që kishte asgjësuar 99% të drogës.
Sot, Kryeministri tha që droga do të vazhdojë, por brenda vitit do zhdukë drogën?!
Drejtori i Policisë thotë nuk e kapim drogën se nuk punojnë radarët, ndërsa Ministria e Mbrojtjes thotë që radarët punojnë.
Ky kryeministër, që drejton këtë anti-qeveri që vetëm mashtron, jo vetëm popullin por edhe veten, e bën këtë që ta inkurajoje drogën të vazhdojë, kriminalitetin që të ndjehet i pashqetësuar dhe që policia të jetë pjesë dhe jo në luftë pa kompromis me këtë situatë tepër të rëndë.
Kryeministri vegjeton e bashkëjeton me situatën kriminale dhe rrënimin ekonomik.
Mashtrimi, linjë sjelljeje dhe veprimi e kryeministrit.
Ka mungesë totale të rezultateve të qeverisë, por edhe vizionit të pamundur të kryeministrit, për shkak të shkollepakësisë së tij proverbiale.
