Reshjet e borës që përfshinë ditën e martë edhe Shqipërinë për momentin nuk kanë shkaktuar asnjë anulim apo vonesë në nisjen e avionëve në destinacionet përkatëse nga aeroporti i Rinasit.
Autoriteti aeroportual nëpërmjet faqes së njoftimeve për fluturimet bën me dije se ka pasur vetëm vonesa të vogla në nisjen e avionëve kryesisht me destinacion Italinë e cila është përfshirë nga reshjet e dëborës dhe moti i keq.
Aeroporti i Rinasit njofton se gjithsesi të gjithë ata që kanë planifikuar të udhëtojnë duhet më parë të bëjnë konfirmimin e udhëtimit me kompanitë përkatëse.