Hetim për “fondet sekrete” greke, Prokuroria do të thërrasë edhe gazetarët - Bota Sot
Hetim për “fondet sekrete” greke, Prokuroria do të thërrasë edhe gazetarët

Shqipëria

Hetim për “fondet sekrete” greke, Prokuroria do të thërrasë edhe gazetarët

Më: 20 tetor 2018 Në ora: 21:43
I pari që do pyetet është gazetari i “Ifimeridha” Dhimitris Takis

Kryeministria greke e mohoi të jenë dhënë fonde sekrete në Shqipëri e Maqedoni. Pas publikimit të lajmit se ministria e jashtme greke kishte paguar miliona euro edhe për media në Shqipëri, prokuroria greke ka nisur hetimet.

I pari që do pyetet është gazetari i “Ifimeridha” Dhimitris Takis, i cili publikoi lajmin dhe të dhënat e dala nga dokumentet me kodet sekrete që u paraqiten në parlamentin grek. Bëhet fjalë për dokumentat për pagesat drejt Shqipërisë, drejt Maqedonisë dhe për Kishën Ortodokse të Jerusalemit.

Burimet nga Athina thonë se bëhet fjalë për çështje të sigurisë kombëtare të Greqisë. Publikimi i të dhënave ndodhi pak orë para se në parlamentin e Maqedonisë të niste diskutimi për miratimin e projektit të ndryshimit të kushtetutes për emrin e ri të Maqedonisë.

Sipas lajmit bëhet fjalë për një përplasje mes ministrave Kotzias dhe Kamenos në qeverinë e Tsipras. Ministri i mbrojtjes duke akuzuar për abuzime, foli për 45 milionë euro pagesa të ministrisë së jashtme.

Kotzias përmend vetëm 11, ndërsa sipas të dhënave bëhej fjalë për pagesa me kod sekret drejt vendeve si Shqipëria dhe Maqedonia për të influencuar në opinionin publik pro marrëveshjeve me Greqinë. Paratë kanë shkuar në media, portale dhe organizata të ndryshme.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...