Dita e të Drejtave të Fëmijëve, Meta viziton fëmijët talasemikë - Bota Sot
Dita e të Drejtave të Fëmijëve, Meta viziton fëmijët talasemikë

Shqipëria

Dita e të Drejtave të Fëmijëve, Meta viziton fëmijët talasemikë

Më: 20 nëntor 2018 Në ora: 09:44
Presidenti i Republikës Ilir Meta

Në ditën ndërkombëtare të të Drejtave të Fëmijëve, Presidenti i Republikës Ilir Meta ka zgjedhur të vizitojë fëmijët më në nevojë, ata talasemikë.

Në këtë ditë të rëndësishme, “Aleanca për Dhurimin e Gjakut” ka organizuar një seancë dhurimi gjaku, pikërisht për t’iu ardhur në ndihmë këtyre fëmijëve.

Përmes një mesazhi në rrjetet sociale, Presidenti Meta shkruan se ndihet krenar, që sot, në këtë ditë të rëndësishme organizohet kjo seancë dhurimi gjaku, “duke përcjellë mesazhin se mbrojtja e jetës dhe përkujdesi për shëndetin e fëmijëve duhet të jetë misioni ynë i përhershëm”.

“Dita Ndërkombëtare e të Drejtave të Fëmijëve na frymëzon të bashkojmë përpjekjet për mbrojtjen e shëndetit, mirëqenien, arsimimin e respektimin e të drejtave të fëmijëve, si dhe për të parandaluar çdo formë dhune, abuzimi e shfrytëzimi të tyre”, thekson ndër të tjera kreu i Shtetit.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...