Gjendja e Dragomir Andonovit, i cili u sulmua me thikë teksa ishte duke ndjekur një ndeshje futbolli në Shkup, është duke u përmirësuar, tha Akademia Mjekësore Ushtarake.
Agjencia bullgare e lajmeve, BTA, raporton se pacienti është shtruar në një departament të përgjithshëm të kirurgjisë dhe analizat e tij laboratorike janë normale.
Andonov u transportua nga Shkupi më 3 gusht me një helikopter Mi-8 të Operatorit Shtetëror të Aviacionit bullgar dhe u mbikëqyr nga një ekip mjekësh nga Akademia Mjekësore Ushtarake.
Javën e kaluar tifozët bullgarë të futbollit u sulmuan disa minuta para fillimit të ndeshjes të Ligës së Konferencës midis FC Shkupi dhe FC Levski në Shkup.
