Aktivisti i njohur i Lobit shqiptaro-amerikan në Amerikë, Uk Lushi, përmes një postimi në Facebook ka shkruar se, (ri)bashkimi kombëtar i shqiptarëve është ideali dhe interesi më vital shqiptar.
Ai thotë se një komb shqiptar, unik dhe i tërë, do të jetë rezultati i vetëm i drejtë i historisë dhe legjitimitetit të vullnetit të lirë.
Ja shkrimi i tij:
(Ri)bashkimi kombëtar i shqiptarëve është ideali dhe interesi më vital shqiptar. Asnjë veprim nuk mund bëhet dhe nuk do të ketë sukses pa e konsideruar këtë faktor dhe fakt. Individët, proponentët apo klanet eventuale kundër këtij rezultati të vetëm të pranueshëm, që për interesa meskine mundohen ta ndalojnë unifikimin e kombit shqiptar, do të humbin ndërsa procesi ka nisur të hyjë në fazën finale. Një komb shqiptar, unik dhe i tërë, do të jetë rezultati i vetëm i drejtë i historisë dhe legjitimitetit të vullnetit të lirë.