Kosova ka zyrtarizuar ambasadën e saj në Portugali, me ambasador Ylber Kryeziun. Kështu ka bërë të ditur zëvendëskryeministri Behgjet Pacolli, përcjellë "Bota sot".
Ai ka thënë se Kosova po fuqizohet në botë.
Postimi i plotë:
Republika e Kosovës po fuqizohet në botë.
Jashtëzakonisht i lumtur dhe krenar për shtrirjen graduale të përfaqësimit të Republikës së Kosovës në botë.
Hapja dhe zyrtarizimi i ambasadës tonë në Portugali u kurorëzua sot me prezentimin e letrave kredenciale nga ambasadori ynë Ylber Kryeziu. Portugalia është shtet i rëndësishëm dhe me histori të pasur ndikimi në pjesë të ndryshme të botës.
Mbështetja e shtetit portugez në vazhdimësi ka qenë e fuqishme për vendin tonë, andaj këtë partneritet tash e tutje do ta thellojmë edhe më shumë.
