Analisti politik, Haki Abazi thotë se situata në Kosovë është kritike dhe e jashtëzakonshme, duke vazhduar edhe sabotimi i shtetit nga presidenti Hashim Thaçi.
E për një zgjidhje të situatës Abazi thotë se, Kosovës i duhet një qeveri teknike.
Por, ai kërkon edhe dorëheqjen e kryeministrit Ramush Haradinaj për të shpëtuar Kosovën.
Ai pohon se, Kosova ka nevojë për veprime që tregojnë pjekuri politike, pasi Kosova nuk është pronë e askujt, derisa shton se këtë gjendje Kosova po e duron që 20 vite.
Ja postimi i plotë:
Situata vazhdon te jete kritike, gjendja është pothuaj e jashtëzakonshme, sabotimi i shtetit nga Presidenti po vazhdon. Kosovës i duhet urgjentisht një qeveri teknike/ kalimtare:
Për te shpëtuar vendin Ramush Haradinaj duhet jep dorëheqje pasi te bëhen këto hapa:
1. LDK, LVV, AAK NISMA dhe Ekspertet ulen ne tavoline për te bere qeverinë teknike te shpëtimit te Kosovës.
2.Percaktohet data e zgjedhjeve te reja. Zgjedhjet duhet te mbahen me se largu ne fund te Majit/fillim Qershorit te këtij viti.
3 Shpallet moratorium ne dialogun me Serbinë deri ne formimin e institucioneve te dala nga zgjedhjet.
4. Nëse Presidenti refuzon shpalljen e zgjedhjeve partitë dhe qytetaret duhet te largojnë presidentin antishtet.
Shteti ka nevoje për veprime qe tregojnë pjekuri politike dhe asnjë interes nuk është mbi interesin e shtetit. Kosova nuk është prone e askujt e me se paku e njerëzve qe kane lidhje me krimin vendore e ndërkombëtare. Ka 20 vite qe Kosova dhe qytetaret janë duke duruar një gjendje te këtillë dhe këtu duhet te jete fundi i mbajtjes peng te vendit.