Kryetari i Lidhjes Demokratike të Kosovës, Isa Mustafa ka folur rreth raporteve që ka Kosova me Amerikën. Ai madje ka treguar se përfaqësuesit e Amerikës i din punët e Kosovës më mirë se drejtuesit e shtetit.
Mustafa ka thënë se përfaqësuesit e Amerikës i kanë ditur edhe deponimet e shteteve të tjera karshi Kosovës.
“Unë di, kur kemi shkuar në New York, ose në Washington, në sesionin e Kombeve të Bashkuara, ata i kanë ditur punët tona më mirë se ne. Ata e kanë ditur për çdo shtet, me emër e mbiemër se çfarë disponimi ka për Kosovën dhe çfarë duhet të bëhet me atë shtet në mënyrë që ata me përkrahe Kosovën”, ka treguar Mustafa.
Ish-kryeministri i Kosovës ka thënë se Amerika i ka ditur punët ndërkombëtare shumë më mirë se drejtuesit e shtetit.
“Do të thotë i kanë ditur punët tona në marrëdhënie ndërkombëtare shumë më mirë se ne. Po ashtu e kanë pasur edhe përkushtimin më të madh për të punuar për Kosovë. Ata e kanë pasur edhe forcën dhe përkushtimin më të madh”.
Mustafa ka thënë Kosova duhet te ketë kujdes të madh që t’i ruaj raportet me Amerikën.