Deputeti i AAK-së, Daut Haradinaj, përmes një statusi në Facebook, ka shkruar për vdekjen e Halim Tolajt.
Ai ka shkruar se, kam njohur burra të zot në luftë, por të rrallë ishin ata si Halim Tolaj.
“Kam njohur shumë burra t'zot në luftë, por të rrallë ishin ata si Halim Tolaj.
Do të kujtoj gjithmonë sikurse të kam njohur në vijat e luftës, kreshnik burrë.
Prehu në paqe!”, ka shkruar Daut Haradinaj, përcjell “Bota sot”.
Ndryshe sot ka ndërruar jetë njëri prej komandantëve të Ushtrisë Çlirimtare të Kosovës (UÇK) nga rajoni i Dukagjinit, lajmi për vdekjen e Halim Tolajt është bërë publik në rrjetet sociale.
