Nënkryetari i Listës Serbe, Igor Simiq ka thënë sot se nuk ka asnjë marrëveshje mes Beogradit dhe Prishtinës në lidhje me demarkacionin dhe ndarjen e pronës, sipas tij këto janë vetëm spekulime.
Simiq në një deklaratë për Tv pink ka rikujtuar se në këto momente procesi i dialogut është i bllokuar, siç thotë ai, nga lëvizjet e njëanshme të Prishtinës.
Duke përmendur një studim të fundit, ai thekson se 62 për qind e shqiptarëve të Kosovës mbështesin dialogun Beograd-Prishtinë.
Simiq po ashtu ka komentuar edhe deklaratat e kryeministrit të Shqipërisë Edi Rama, cili tha se Kosova është pjesë e Shqipërisë për të, Simiq thotë se kryeministri shqiptar flet pasi po humbet terren në vendin e tij.
“Në këtë moment, procesi i dialogut nuk zhvillohet dhe nëse do të ndodhë, do të jetë midis Prishtinës dhe Beogradit, jo Tiranës dhe Beogradit”, ka thënë Simiq.
