Tahiri: Amerika ka nisur me suspendime, është koha ta pezullojmë taksën - Bota Sot
Tahiri: Amerika ka nisur me suspendime, është koha ta pezullojmë taksën

Aktuale

Tahiri: Amerika ka nisur me suspendime, është koha ta pezullojmë taksën

Më: 27 shkurt 2019 Në ora: 21:52
Abelard Tahiri

Ministri i Drejtësisë, njëherësh edhe anëtari i kryesisë së PDK-së, Abelard Tahiri ka thënë se SHBA tashmë ka filluar të merr veprime ndaj Kosovës si pasojë e mos përmbushjes së kërkesës së tyre për taksën.

Tahiri, në RTV Dukagjini, ka thënë se qëndrimi i Amerikës për taksën është mese i qartë.

“Është e rëndësishme të shohim qëndrimin zyrtar të SHBA-së. Është e rëndësishme të shohim efektin e veprimeve të tyre. Është e rëndësishme të shohim fillimin e suspendimeve që SHBA i bëri asistencës teknike ndaj FSK-së dhe paralajmërimi për suspendim të fondeve të tjera”.

“…Është ndalë vizita për 17 shkurt nga garda e Iowa-s, që kishte qenë e planifikuar më parë. Kanë filluar të rrënohen raportet me SHBA-në”, tha ai.

Ministri i Drejtësisë ka thënë se ai vet në Qeveri e ka votuar vendosjen e taksës, por tani është koha për të kaluar në një plan tjetër.

“Unë vet kam votuar këtë taksë, por tani është koha që të kalojmë në planin B. E ky plan është propozimi i zotit Kadri Veseli për suspendimin e kësaj takse”.

Tahiri ka thënë se për herë të parë ambasada e Amerikës në Kosovë nuk u jep viza zyrtarëve shtetërorë.

“Kemi një numër të madh të zyrtarëve të shtetit të Kosovës që periudhën e fundit nuk kanë udhëtuar për në Shtetet e Bashkuara të Amerikës për shkak të mungesës së vizave. Po ndodhë për herë të parë që ambasada e SHBA nuk pajis zyrtarët e Kosovës me viza”, tha ndër të tjera Abelard Tahiri. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...