Ai në një postim në Facebook shkruan se neofashisti Gjuriq i ka mohuar edhe krimet tjera anë e kënd Kosovës.
“Gjuriq duke akuzuar NATO-n për intervenimin ndaj Serbisë millosheviqiane, për ta ndaluar përpjekjen gjenocidale ndaj shqiptarëve, injoron ndër tjera edhe vrasjen e 1370 fëmijëve nga 1-15 vjeç, dhunimin e rreth 20 mijë grave shqiptare dhe vrasjen e mbi 10 mijë civilëve, sipas Fondit Ndërkombëtar Humanitar me seli në Beograd, nga forcat serbe në Kosovë”, shkruan Matoshi.
“Qe me kë u dashka të rikthehet në dialog pala kosovare!? Qe për kauzën e kujt po angazhohen disa çarqe brenda BE-së dhe Zonja Mogherini!? Përfaqësuesja e Lartë e BE-së për Politikë të Jashtme, Federica Mogherini dhe tërë selia e BE në Bruxelles, do të duhej të tronditeshin nga kjo deklaratë në vend se ta fajësojnë Kosovën. Thjesht Gjuriq është fashist klasik! Ai i ka vrarë përsëdyti viktimat në Kosovë!?”, përfundon Matoshi.
