Ish- presidenti i Kosovës, Fatmir Sejdiu në një intervistë për “Blic” ka komentuar idetë e përhapura në opinon për ndarje të Kosovës.
Sejdiu, theksoi se ndarja e vendit është projektuar nga akademiku serb, Dobrica Qosiq, por që sipas tij ajo nuk duhet realizuar nga Presidenti Hashim Thaçi, i cili kryeson dialogun në fazën përfundimtare mes Kosovës dhe Serbisë.
“Unë them se Kosova është shpallur sovrane dhe e pavarur, me integritetin e saj, ka kushtetutën e vet dhe parimet themelore të saj e obligojnë çdo institucion të ruaj sovranitetin dhe integritetin territorial të Kosovës dhe njësin e saj si shtet unik dhe i pandashëm. Është borxh edhe i presidentit Hashim Thaçi të respektojmë këto parime të Kushtetutës”, tha ai.
Në anën tjetër Presidenti i Kosovës, Hashim Thaçi thotë se është pro korrigjimit të kufirit me Serbinë, por sipas tij, ai nuk do të lejojë që të diskutohet për shkëmbime territoresh e as ndarje të Kosovës.