Euronews: Haradinaj shkarkon zëvendësministren serbe për kritikat ndaj NATO-s - Bota Sot
Euronews: Haradinaj shkarkon zëvendësministren serbe për kritikat ndaj NATO-s

Aktuale

Euronews: Haradinaj shkarkon zëvendësministren serbe për kritikat ndaj NATO-s

Më: 25 mars 2019 Në ora: 15:15
Ramush Haradinaj

Rrjeti i lajmeve televizive Euronews ka raportuar se si Kryeministri i Kosovës Ramush Haradinaj e ka shkarkuar nga detyra një zëvendësministre serbe për shkak se kjo e fundit i kishte quajtur bombardimet e NATO-s, gjenocid ndaj popullit serb.

Euronews shkruan se zëvendësministrja Vesna Mikiq vjen nga pakica serbe e Kosovës, e cila zë rreth pesë për qind të popullsisë së vendit prej 1.8 milionë banorësh.

“Aleanca e NATO-s kreu një gjenocid të planifikuar kundër një vendi sovran që luftoi terrorizmin shqiptar brenda kufijve të vet”, ka shkruar Mikiq në llogarinë e saj në Facebook, në 20 vjetorin e bombardimeve të NATO-s.

Kryeministri Haradinaj vendosi ta shkarkojë zëvendësministren Mikiq me një efekt të menjëhershëm.

“Në Qeverinë e Kosovës nuk do të ketë vend për individët, pavarësisht etnisë së tyre, që denigrojnë vlerat tona të përbashkëta Euro-Atlantike”, ka thënë Haradinaj në një deklaratë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...