Deputetja e Lëvizjes Vetëvendosje, Albulena Haxhiu ka reaguar pas deklaratës së Policisë së Kosovës rreth deklaratën e vrasjes në Prishtinë.
Ajo përmes një postimi në Facebook, ka shkruar se “në vend se të bëjnë deklarata boshe kundrejt Lëvizjes, Prokuroria, i ka borxh publikut për t'i treguar se çfarë kanë bërë me kallëzimin penal të policisë?”
Postimi i plotë:
Policia paska deklaruar se për personin H.K i cili vrau dje gruan dhe renë, ka ushtruar kallëzim penal në Prokurorinë Themelore në Prishtinë dhe atë në vitin 2017 për veprën penale kanosje, lëndim trupor, mbajtje në pronësi të armës.
Në vend se të bëjnë deklarata boshe kundrejt Lëvizjes, Prokuroria, i ka borxh publikut për t'i treguar se çfarë kanë bërë me kallëzimin penal të policisë?
Vajzat dhe gratë po i humbim edhe për shkak të dështimit institucional, sikurse rasti i të ndjerës Diana Kastrati, Zejnepes, Valbonës dhe shumë vajzave e grave të tjera.
