Anëtari i Komisionit Hetimor për deportimin e gylenistëve, Hajdar Beqa i PDK-së, ka kërkuar të lirohet presidenti Hashim Thaçi, akoma pa raportuar para Komisionit.
Beqa ka akuzuar anëtarët e Komisionit nga opozita, duke hyrë në temën e luftës, ndërsa për presidentin Thaçi ka thënë se duhet të respektohet, e së këndejmi edhe të lirohet nga mbledhja e sotme.
“Presidenti të na lirojë, Komisioni t’i drejtohet Komisionit Ligjor të Kuvendit, ose Komisionit për Legjislacion për interpretim”, është shprehur deputeti i PDK-së.
Deri tash Thaçi nuk është përgjigjur në asnjë pyetje të komisionit, ndërsa ai, bashkë me deputetin e LDK-së, Anton Qunin, ka hapur temën e luftës në Komision.
