Promovohen hulumtuesit e rinj në UP - Bota Sot
Promovohen hulumtuesit e rinj në UP

Aktuale

Promovohen hulumtuesit e rinj në UP

Më: 2 maj 2019 Në ora: 11:23
Pamje nga takimi

Universiteti i Prishtinës në bashkëpunim me International Association for eScience (IASFeS), kanë mbajtur konferencën ndërkombëtare NETTIES me temën “Promovimi dhe inovacioni dhe ICT në Progresin e rritjes ekonomike dhe zhvillimit të vendit”.

Kjo konferencë mbledh studiues dhe akademikë nga vende të ndryshme të botës dhe çdo vit mbahet në një vend të ndryshëm, ndërkaq edicioni i sivjetmë po mbahet në Prishtinë.

Rektori i Universitetit të Prishtinës, Marjan Dema ka falënderuar IASFes që zgjodhi Universitetin e Prishtinës për të mbajtur këtë edicion.

Dema: Falënderoj IASFes që zgjodhi Universitetin tonë

 “E çmoj që ….edicioni i konferencës  NETTIES përkrah konceptin e ndër-disiplinaritetit dhe në ato dy ditë akademike do të keni mundësinë të diskutoni për ligjin, etikën, filozofinë, psikologjinë, ekonominë, inxhinierinë dhe fusha të tjera që mund të jenë në interesin tuaj si pjesëmarrës”, tha ai.

Presidenti i IAFeS nga Rumania, Radu Vasiu, tha se ky është një organizim ndërkombëtar i regjistruar në Vjenë, e ku marrin pjesë shumë vende të botës. Ai tha se ndihet i lumtur që ndodhet në Prishtinë, për të promovuar kështu ide të reja inovative në secilën pjesë të ekonomisë.

Vasiu: Po provojmë të mbështesim hulumtues të rinj

“Jemi për promovimin e ideve inovative në shkencë, administrate, në çdo pjesë të ekonomisë meqë kjo mund të sjellë të ardhmen. Tentojmë t’i promovojmë këto ndaj të rinjve, po provojmë të mbështesim hulumtues të rinj... Kemi zgjedhur Prishtinën sepse është zonë në zhvillim, me shumë potencial dhe donim t’i sjellim njerëzit nga vendet e ndryshme dhe njerëzit e këtij vendi së bashku”, tha Vasiu.

Vasiu tha se është i kënaqur që ndodhet në Prishtinë, duke shpresuar kështu  se kjo konferencë do të jetë e suksesshme.

Ndryshe, kjo konferencë gjatë tri ditëve mbledh studiues dhe akademikë nga vende të ndryshme të botës.  Ky edicioni i sivjetmë do mbahet në Prishtinë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...