Ku ishte Kadri Veseli në vitin 2012 kur merreshin fajde në emër të tij - Bota Sot
Ku ishte Kadri Veseli në vitin 2012 kur merreshin fajde në emër të tij

Aktuale

Ku ishte Kadri Veseli në vitin 2012 kur merreshin fajde në emër të tij

Më: 24 maj 2019 Në ora: 20:50

Disa video të fajdeve e mashtrimit tregojnë se 7 vjet më parë ka mjaftuar të permendet Kadri Veseli që biznesmenëve t’u merren qindra mijëra euro të emër të tij. Por, çfarë bënte Veseli në gjatë kohës kur nuk ishte pjesë e politikës?

Në serinë  e videove të publikuara nga KTV’ja për aferën e fajdeve vazhdimisht dëgjohet emri i kryeparlamentarit Kadri Veseli, që në vitin 2012 ai veç sa ishte bërë zyrtarisht pjesë e PDK’së.

Rrahim Hashimi, i cili po akuzohet për fajde dhe mashtrim, në këto video shihet se i ka marrë shuma të mëdha parash biznesmenit Faton Dalladaku, duke i premtuar se Kadri Veseli do t’ia mundësojë të ndërtojë një spital privat të zemrës në oborrin e QKUK’së.

Hashimi, sipas videove, del që i ka marrë paratë  Dalladakut bashkë me një ndërmjetësues tjetër, Kadri Rexhepin nga Ferizaj, e ata vazhdimisht thonë se paratë po ia jepnin Kadri Veselit.

“Kadri Veseli i ka marrë 200 mijë euro”, dëgjohej duke thënë në njërën nga videot Rexhepi.

Kryeparlamentari Veseli ka mohuar se njeh protagonistët e këtyre incizimeve, duke thënë se po përdoret emri i tij për ta njollosur atë. Të enjten ai ka dorëzuar kallëzim penal ndaj ‘mashtruesve’.

Krejt këto video janë incizuar në vitin 2012, në zyrën e biznesmenit Dalladaku, ku Hashimi dhe Rexhepi i përcillnin fjalët që thonin se u ka thënë Veseli.

Por, kush ishte Kadri Veseli shtatë vjet më parë?

Kreu i tanishëm i PDK’së deri para pak vjetësh konsiderohej figurë mitike. Për të flitej shummë ndërsa rrallëherë ishte parë.

Ish-shefi i Shërbimit Informativ të Kosovës u pa vetëm njëherë në paraqitje publike. Në vitin 2008 doli e tregoi se SHIK’u kreu misionin e tij dhe se do të shuhej pasi Kosova shpalli pavarësinë. 

Që nga viti 2008, për Veselin flitej edhe në Kuvend, studio televizive, zakonisht nga njerëz të LDK’së, e më vonë edhe nga PDK’ja. SHIK’u i Veselit i vihej gishti për vrasje e krime të pasluftës.

Ai u shfaq sërish në nëntor të 2012’ës për t’u anëtarësuar zyrtarisht në PDK’në që thuhej se e kishte në dorë që nga themelimi i saj.

Tash pas shtatë vjetëve del që në 2012’ën fuqia e Kadri Veselit është shfrytëzuar nga njerëz të ndryshëm për të shantazhuar e për të përiftuar nga biznesmenë.

Biznesmeni Dalladaku, nga videot e publikuara, kuptohet se ka besuar aq shumë në fuqinë e Veselit të nëntokës, sa për të dhënë qindra miliona euro që ai t’ia mundësonte ndërtimin e një spitali privat në oborrin e QKUK’së, përkundër se kjo ishte e jashtëligjshme.

Në 2012’ën, Veseli mori librezën e partisë nga dega e PDK’së në Mitrovicë, ndërsa pak vjet iu deshën që ta merrte zyrtarisht kreun e partisë.

Në 2015’ën, nga një marrëveshje e PDK’së dhe LDK’së, Kadri Veseli mori pozitën e kryeparlamentarit.

Në 2016’ën Thaci u zhvendos në Presidencë, për t’ia trashëguar pozitën e kryetarit të partisë Kadri Veselit.

Veseli është zgjedhur kryetar i Partisë Demokratike të Kosovës në Konventën e 7-të të jashtëzakonshme zgjedhore të kësaj partie.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...