Ministri i Punëve të Brendshme, Ekrem Mustafa, së bashku me Drejtorin e Përgjithshëm të Policisë së Kosovës, Rashit Qalaj kanë vizituar policët e plagosur gjatë aksionit në veri të vendit.
Ai përmes një postimi në Facebook, ka shkruar se “si Ministër i Punëve të Brendshme mbetem i përkushtuar në luftën e pakompromis kundër krimit të organizuar dhe korrupsionit”.
Postimi i plotë:
Bashkë me Drejtorin e Përgjithshëm të Policisë së Kosovës, Rashit Qalaj vizituam policët e plagosur sot në aksionin e institucioneve të sigurisë kundër krimit të organizuar dhe kontrabandës në disa lokacione të vendit.
Pjesëtarëve të Policisë së Kosovës ju urova shërim të shpejtë dhe shpreha mirënjohjen time për profesionalizmin e treguar gjatë aksionit të sotëm.
Si Ministër i Punëve të Brendshme mbetem i përkushtuar në luftën e pakompromis kundër krimit të organizuar dhe korrupsionit.