MPJ e ka shpallur non-grata zyrtarin e UNMIK-ut me shtetësi ruse.
Arsye e kësaj është hezitimi nga UNMIK-u që t’ia heq imunitetin këtij zyrtari dhe të bashkëpunojë me autoritet gjyqësore, përcjell Bota sot.
Këtë e ka bërë të ditur Jetlir Zyberaj, këshilltar i ministrit të jashtëm, Behgjet Pacollit.
Ai përmes një postimi në llogarinë e tij në Facebook ka thënë se edhe Ana Brnabiçi është ndaluar përgjithmonë hyrja në Kosovë.
Postimi i tij i plotë në Facebook:
Ministria e Punëve të Jashtme ka shpallur dje zyrtarin e UNMIK-ut me shtetesi ruse si persona non-grata. Kjo vjen pas hezitimit të UNMIK-ut për të hequr imunitetin e zyrtarit dhe për të bashkëpunuar me autoritetet gjyqësore.
Në të njëjtën kohë një ditë më parë për shkak të deklaratave të saj raciste, Kryeministres serbe Ana Brnabic i është ndaluar përgjithmonë hyrja në Kosovë. Ministria e Punëve të Jashtme nuk do të ngurrojë të ndërmarrë masa të tilla në çdo moment kur janë në pyetje interesat kombëtare të Kosovës.