Ministri i punëve të jashtme të Serbisë Ivica Daçiq shprehet se çështja e Kosovës do të zgjidhet nëse bashkësia ndërkombëtare pajtohet rreth asaj se duhet të zgjidhet, shkruan “B92” përcjell “Bota Sot”.
:" Veriu i Kosovës nuk mund të jetë nën sovranitetin e Prishtinës dhe ky është fundi " ka thënë Dapiq në emisionin “Qëndrimi” duke shtuar se ai qe dhjetë vite e di se kjo është zgjidhja e vetme konkrete që nuk shkakton probleme.
"Nëse bashkësia ndërkombëtare pajtohet rreth asaj se çështja e Kosovës duhet të përmbyllet si problem që gjeneron në vazhdimësi jo stabilitet mendoj s kjo çështje do të zgjidhet ", mendon ai duke shtuar se problemi është aty se një pjesë e bashkësisë ndërkombëtare nuk është e pajtimit me këtë.
Daçiq thotë se këtu nuk bëhet fjalë për raportin e Rusisë me ShBA por për raportin e partnerëve evropiane dhe ShBA-ve.
Duke komentuat deklaratën e presidentit Gjukanoviç se zgjidhja e çështjes së Kosovës është në formulën e Badinterit, Daçiq ka shprehur pajtimin me atë qëndrim, por ka shprehur mos besimin se këtë qëndrim e ka shprehur vetë Gjukanoviç president i Malit të Zi, që e ka njohur pavarësinë e Kosovës.
"Nuk mund të besoj se presidenti malazez nuk kujtohet se Badinteri ka fol për kufijtë e republikave dhe jo kufijtë e krahinave. Vetëm, mos tash kur keni shkel formulën e Badinterit të flisni rreth asaj se nuk mund të ndryshojnë disa kufij që nuk ishin të pranuar ndërkombëtarisht, por ishin kufij administrativ ndërmjet Serbisë dhe krahinës autonome ", tha Daçiq.