Zyrtari i LDK-së, Bajram Gecaj, u përfshi në debatin ndërmjet kryetarit të LDK-së, Isa Mustafa dhe deputetit të AAK-së, Muharrem Nitaj.
Nitaj i reagoi edhe Gecajt, ndërsa tani ky i fundit i është përgjigjur atij duke i thënë se ka marr një “mision të pamundur” nga shefi i tij për ta sulmuar Isa Mustafën.
Postimi i plotë:
MISIONARI NITAJ “RRËSHQET” SËRISH!
Muharrem Nitaj si duket ka marrë përsipër një “misionin të pamundur” nga shefi i tij që të sulmoi Isa Mustafën bash “si pula pa krye”, dhe atë në stilin “sulmi është mbrojtja më e mirë”! Pasi që së paku në paraqitje japë përshtypje si njeri i letrave, Nitaj së pari do të duhej ta lexonte me kujdes vendimin e Gjykatës Kushtetues në të cilin, pos tjerash, theksohet qartë si kristali se Presidenti Hashim Thaçi, me kërkesën e gjykatës, nuk e kishte dekretuar ligjin në fjalë. Megjithatë, kjo assesi nuk e amniston Presidentin Thaçi nga përballja me pasojat morale, politike e ligjore për tejkalimin e kompetencave të tija në procesin e dialogut.
Muharrem Nitaj: ...“E dyta, meqë i paskeni gjetur të gjithë shkelësit e Kushtetutës; Qeverinë, Parlamentin, deputetët, pse nuk e keni përmendur edhe Presidentin, që është filtri i fundit i një ligji para se të hyjë në fuqi!?”..