Njohësi i çështjeve politike dhe juridike Blerim Burjani në një prononcim për “Bota sot” ka thënë se rrëzimin e kësaj qeverie nuk e do PDK-ja, përcjell "Bota sot".
“PDK nuk e do rrëzimin e kësaj qeverie që zvarritet nëpër korridore të institucioneve të shtetit, defakto është e rrëzuar, por dejure mbetet duke u zvarrit dhe duke emituar punën e një qeverie që nuk funksionon, me një kuvend jo funksional”.
Sipas tij, ende nuk ka interes që të rrëzohet kjo qeveri për shkak se PDK i ka interesat e veta të mbrojtura ekonomike, nepotiste, korruptive.
“Kjo qeveri vazhdon të zhvat pasuritë publike duke kontrolluar edhe procesin e privatizimit, ndërmarrjet publike dhe punësimin familjar dhe partiak”.
Ky kryeministër e di se nuk ka kapacitet për të qeverisur por deshirën e ka të madhe për një bajraktarizëm fisnor, pa dije por me inati për të mbajtur pushtet pa kapacitet, po mbi të gjitha interesat ekonomike i ka të mëdha, shprehet Burjani.
Ai më tej tha se, ka shumë gjëra këtu pse PDK nuk e rrëzon këtë qeveri, që po ashtu ka 24 zyrtarë të lartë nëpër procese gjyqësore po ashtu AAK ka 9 persona dhe priten të hapen aktakuza edhe ndaj kryetarëve të komunave të këtij subjekti të pa aftë por zhvatës dhe korruptivë
