Kryetari i Komunës së Drenasit Ramiz Lladrovci, ka folur mbrëmë në një emision televiziv për të arriturat e tij akademike.
Ai ka thënë se në shkollën fillore ishte nxënës shembullor.
“Notat i kam pas shembullore. Por, në klasën e shtatë, në moshën e pubertetit m’kishin pas ra dy nota. Një tresh e kam pas në fizikë dhe në matematikë një katërshe”, ka thënë Lladrovci.
Ai ka treguar se brenda dy-tre muajve do të doktorojë.
“Tash edhe pak po doktoroj. Për njo dy tre muaj”, ka zbuluar kryetari i Drenasit.
E me të arriturat akademike të Lladrovcit, ka ironizuar analisti politik Faik Krasniqi. Ai në një postim në Facebook, e ka quajtur “çoban” Lladrovcin, përcjell Bota sot.
“Ramiz Lladrovci, doktor shkence. E ardhmja e këtij vendi në doren e këtij çobani. Me qajt apo me qesh?”, ka shkruar Krasniqi./BS
