Kryeministri i Kosovës, Ramush Haradinaj, është takuar sot me ushtruesin e detyrës së shefit të EULEX-it, Bernd Thran, të cilit i ka uruar detyrën e re në krye të misionit të BE-së për sundim të ligjit.
Ai ka shkrua në Facebook, se “me ushtruesin e detyrës së EULEX-it, si mision i tanishëm këshillëdhënës, shprehëm vullnetin e dyanshëm për intensifikimin e bashkëpunimit për fuqizimin e sistemit të drejtësisë:
Postimi i plotë:
Prita në takim UD shefin e EULEX-it, Bernd Thran, të cilit i urova detyrën e re në krye të misionit të BE-së për sundim të ligjit. Me ushtruesin e detyrës së EULEX-it, si mision i tanishëm këshillëdhënës, shprehëm vullnetin e dyanshëm për intensifikimin e bashkëpunimit për fuqizimin e sistemit të drejtësisë. Kosova, së bashku me BE-në dhe shtetet aleate, ka arritur progres substancial në konsolidimin e sundimit të ligjit.
RH