Serbia e lë të lirë tre vjet para kohe kriminelin e luftës në Kosovë - Bota Sot
Serbia e lë të lirë tre vjet para kohe kriminelin e luftës në Kosovë

Aktuale

Serbia e lë të lirë tre vjet para kohe kriminelin e luftës në Kosovë

Më: 7 gusht 2019 Në ora: 08:59
Foto ilustrim

Tri vjet pa e përfunduar dënimin e tij, Miodrag Solaja, është liruar nga burgu në Serbi.

Ai u dënua pasi u gjet fajtor për vrasjen e 14 civilëve shqiptarë, gjatë luftës së fundit në Kosovë, 1998-99, në masakrën ndaj familjes Bogujevci.

Ai ishte i dënuar me 15 vjet burgim.

Lidhur me këtë rast ka reaguar zëvendëskryeministri në dorëheqje i Kosovës, Enver Hoxhaj. Sipas tij, Serbia në vazhdimësi po tallet me viktimat e luftës, teksa ka thënë se këtë e ka bërë në Bosnje e po vazhdon ta bëjë edhe me Kosovën.

“Këto ditë në Serbi është liruar nga burgu, tre vjet para përfundimit të dënimit, personi i cili është akuzuar dhe dënuar për vrasjen e 14 civilëve shqiptarë në Kosovë. Nga ky krim arritën të shpëtojnë pesë fëmijë, e në mesin e tyre edhe Saranda Bogujevci”, ka thënë Hoxhaj, përcjell Koha.net. “Lirimi i kriminelit serb është dëshmi që Serbia po vazhdon të luajë me nervat e të gjithëve në të gjitha planet, madje edhe atë ushtarak”, ka thënë më tej Hoxhaj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...