Deputetja e Vetëvendosjes Drita Millaku ka folur me shumë bindje për një triumf të liderit të kësaj partie, Albin Kurtit në zgjedhjet e ardhshme.
E pyetur se si e sheh garën e mundshme ndërmjet Albin Kurtit dhe Vjosa Osmanit, Millaku thotë se ende është pro një marrëveshje me LDK-në për një listë të përbashkët.
“Zgjedhjet e fundit kanë treguar se Albini e ka përkrahjen nga populli duke dal si personi më i votuar. Kam bindjen e fortë se Albini është i pakonkurencë. Megjithatë unë vazhdimisht jam për një marrëveshje me LDK-në për një listë të përbashkët, por sido që të rrjedhin gjërat këto zgjedhje do të prodhojnë një kryeministër nga Vetëvendosja, me apo pa LDK-në në koalicion parazgjedhor, Albini do të jetë në pozitën e kryeministrit”, thotë deputetja Millaku.
Ajo thotë më tutje se ‘Vetëvendosja do të dal parti e parë nuk kam asnjë dyshim këtë e them me plotë bindje duke u bazuar në disponimin dhe gatishmërinë e qytetarëve për një ndryshim’.
