Telekomi po mendon ta qesë në gjyq Qeverinë - Bota Sot
Telekomi po mendon ta qesë në gjyq Qeverinë

Aktuale

Telekomi po mendon ta qesë në gjyq Qeverinë

Më: 9 gusht 2019 Në ora: 23:40
Telekomi i Kosovës

Telekomi i Kosovës po përballet me borxhe të shumta.

E, në këtë kohë, bordi i kësaj ndërmarrjeje publike po e shqyrton mundësinë e një padie ndaj Qeverisë së Kosovës, për dividentën e marrë më 2015, raporton KTV.

Këtë e kanë konfirmuar edhe anëtarë të Bordit të Telekomit.

Suad Ujkani, përmes telefonit, ka thënë se janë duke u konsultuar për një mundësi të tillë.

Mirëpo, thotë që ende nuk kanë marrë ndonjë vendim konkret.

Për një veprim të tillë, fillimisht kishte paralajmëruar ministri i Zhvillimit Ekonomik, Valdrin Lluka, ditë më parë në Interaktiv.

E, nga institucioni që ai e udhëheq, thonë që do ta kundërshtojnë këtë padi.

“Nuk kemi ndonjë informacion se ndonjë nga kompanitë publike ka ngritur padi ndaj nesh. Kjo padi mund të vijë sepse legjislacioni në fuqi ia mundëson një gjë të tillë. Ne do t’i shfrytëzojmë të gjitha rrugët ligjore, që t’i kundërshtojmë të gjitha vendimet që i shohim si të pabaza”, thuhet në përgjigjen nga Ministria e Zhvillimit Ekonomik.

Para disa muajve, Bordi i Telekomit kishte kërkuar nga Qeveria që t’ia kthejë 15 milionë euro të dividentës kompanisë.

Mirëpo, këtë e kishte refuzuar Qeveria e Kosovës.

Haki Shatri, këshilltar i kryeministrit në dorëheqje, Ramush Haradinaj, thotë që tash nuk lejohet asnjë ndërhyrje në buxhet.

Më 2015, nga Telekomi i Kosovës, qeveria e atëhershme kishte tërhequr 15 milionë euro të fitimit të ndërmarrjes, gjë që, sipas zyrtarëve të këtij institucioni, ishte bërë jashtëligjshëm.

Telekomi, tash gjendet në prag të falimentimit dhe ka filluar fazat e para të privatizimit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...