Këshilltari i Kadri Veselit, profesori i filozofisë, Blerim Latifi është përfshirë në debatin që po zhvillohet në lidhje me takimin Albin Kurti – Isa Mustafa i cili u mbajtë gjatë ditës së djeshme.
Latifi në këtë rast ka përmendur edhe Nolin i cili sipas tij, shkruan për dyfytyrësinë e cila brenda ditës tradhtarin e bën patriot dhe patriotin tradhtar.
Me këtë rast, Latifi thotë se kur u pengonte Isa Mustafa, LVV-ja e quanin tradhtar dhe ministër të Rrahman Morinës si dhe bënin atentat në familje, kurse sot kur u duhet për llogari të pushtetit, shton se, kanë filluar ta promovojnë si profesor të nderuar e shpëtimtar të Kosovës.
Ja postimi i plotë:
Kur shkruan për anarkinë shqiptare, Noli përmend dyfytyrësinë, e cila brenda një dite, si me magji, tradhtarin e bën patriot dhe patriotin tradhtar. 100 vjet më pas, këto fjalë e përshkruajnë saktë aktualitetin tonë. Dje, kur u pengonte Isa Mustafa, e quanin tradhtar, ministër të Rrahman Morinës, madje edhe i bënin atentat e sulme në familje, ndërkaq sot, kur u duhet për llogari të pushtetit të tyre, kanë filluar ta promovojnë si profesor të nderuar e shpëtimtar të Kosovës.
Overdozë e imoralitetit politik!
