Krasniqi tregon si do të votojë PDK-ja në seancën për shpërbërje të Kuvendit - Bota Sot
Krasniqi tregon si do të votojë PDK-ja në seancën për shpërbërje të Kuvendit

Aktuale

Krasniqi tregon si do të votojë PDK-ja në seancën për shpërbërje të Kuvendit

Më: 21 gusht 2019 Në ora: 11:42
Memli Krasniqi

Legjislatura e VI e Kuvendit të Kosovës pritet të shpërndahet nesër, sipas vendimit të marrë nga Kryesia e Kuvendit me datën 5 gusht. Seanca është paraparë që të fillojë në ora 10:00.

Deputetët pritet të votojnë shpërndarjen e Kuvendit, pas dorëheqjes së kryeministrit Ramush Haradinaj, shkak për të cilën u bë ftesa e Gjykatës Speciale për intervistim si dhe pas refuzimit të ftesës së presidentit Hashim Thaçi që koalicioni PAN të propozojë një mandatar të ri.

Pro shpërndarjes së Kuvendit të Kosovës nesër do të votojnë deputetët e PDK-së, këtë e ka konfirmuar shefi i Grupit Parlamentar të PDK-së, Memli Krasniqi.

“Kryetari Veseli e ka iniciuar mbledhje që ka rezultuar me seancën e nesërme, andaj vota e PDK-së, nesër është e padiskutueshme në favor të shpërndarjes së Kuvendit”, ka thënë Krasniqi.

Ndërkohë, në administratën e Kuvendit janë dorëzuar 93 nënshkrime të deputetëve të Kuvendit, për thirrjen e seancës së jashtëzakonshme për datën 22 gusht 2019.

Ndryshe, po thuajse të gjitha partitë politike janë shprehur të gatshme për mbajtjen e zgjedhjeve të parakohshme. Ndërkohë java e fundit e shtatorit ose java e parë e tetorit pritet të caktohet për mbajtjen e zgjedhjeve të parakohshme.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...