Ish-deputeti i LDK-së, Nuredin Ibishi thotë se përkundër nominimit nga kryesia dhe Këshilli i Përgjithshëm i LDK-së ka vendosur të tërhiqet nga kjo kandidaturë.
Ibishi shton se vendimi i tij niset nga vlerësimi personal se me tërheqjen e tij, sa do pak, do u jepet mundësi /hapësirë, një kandidati-tje të ri të sprovohet në garën për deputet-te në Kuvendin e Republikës së Kosovës.
Ja shkrimi i tij:
Të nderuar miq, simpatizantë të LDK-së, të nderuar anëtarë të kryesisë, edhe ju kryetarë të nëndegëve,
Ju falenderoj për nominimin dhe miratimin tuaj të kandidaturës time për kandidat për deputet të LDK-së në Kuvendin e Republikës së Kosovës.
Me gjithë nominimin tuaj, pra të delegatëve të Degës së IV-të dhe vlerësimin pozitiv të kandidaturës time, për deputet, nga kryesia dhe Këshilli i Përgjithshëm i LDK-së, unë kam vendosur të tërhiqem nga kjo kandidaturë.
Vendimi im niset nga vlerësimi im personal se me tërheqjen time, sa do pak, do u ipet mundësi /hapësirë, një kandidati-tje të ri të sprovohet në garën për deputet-te në Kuvendin e Republikës së Kosovës.
Të gjithē të nominuarit dalshim faqebardhë!
Ju faleminderit për mbështetjen dhe nominimin tuaj!
Gjithashtu i pergëzoj për nominim të gjithë kandidatët për deputet të LDK-së duke ju dëshiruar suksese në zgjedhjet për Legjislaturën e VII-të, në rrugën drejt fitores dhe rikthimit të LDK-së si parti e parë në skenën politike të Kosovës.
Si anëtar i shtabit zgjedhor të degës së IV-të,do mbështesim fuqishëm gjithë kandidatët.
Me konsideratën time:
Nuredin Ibishi - LEKA