“Isa Mustafa po do t’ia bëj Albin Kurtin atë që ia bëri Hashim Thaçit” - Bota Sot
“Isa Mustafa po do t’ia bëj Albin Kurtin atë që ia bëri Hashim Thaçit”

Aktuale

“Isa Mustafa po do t’ia bëj Albin Kurtin atë që ia bëri Hashim Thaçit”

Më: 2 nëntor 2019 Në ora: 17:26
Kurti dhe Mustafa

Profesori i gazetarisë, Milazim Krasniqi, ka folur për deklaratat e kryetarit të LDK-së, Isa Mustafa karshi koalicionit të mundshëm me VV-në.

Mustafa paralajmëroi në një intervistë televizive se nëse nuk bëhet koalicioni me VV-në, atëherë partia e tij shkon në opozitë, shkruan lajmi.net.

E kjo sipas Krasniqit, është shenjë se Isa Mustafa po do t’ia bëj të njëjtën Albin Kurtin, ashtu si ish-kreut të PDK-së, Hashim Thaçi.

Kjo në kontekstin e plotësimit të dëshirave partiake.

Postimi i plotë i Krasniqit:

Ndoshta unë nuk marr vesh fort në politikë, por nga sa e deshifrova intervistën e mbrëmshme të Isa Mustafës te Leonora (RTV 21), Isa e kish ndërmend me ia ba Albinit gati njësoj si Hashimit në vitin 2014. Në stilin se ne shkojmë në opozitë nëse nuk na i plotësoni dëshirat, e kish ndërmend me e marrë pjesën më të madhe të tortës së pushtetit. Hashimi atëherë nuk kishte alternativë tjetër, as Albini nuk ka tjetër alternativë. (Mbaj mend një slogan të LDK-së, të cilin e kam pasë lancuar unë në vitin 1998, “LDK, po kush tjetër”) Isa e përsëriti disa herë qëndrimin: “Unë jam shefi!” Aq të disponuar sa mbrëmë, Isën nuk e kam parë as kur ka qenë kryeministër. Po get, do të bëhet edhe më i madh.

Shfaq komentet
comments powered by Disqus
Sot mund të lexoni Shfletoni kopertinat