KQZ-ja nis pagesat për komisionerët e angazhuar, në zgjedhje - Bota Sot
KQZ-ja nis pagesat për komisionerët e angazhuar, në zgjedhje

Aktuale

KQZ-ja nis pagesat për komisionerët e angazhuar, në zgjedhje

Më: 8 nëntor 2019 Në ora: 14:20
Ilustrim

Komisioni Qendror i Zgjedhjeve (KQZ) ka filluar pagesat për anëtarët e këshillave të vendvotimeve dhe stafit teknik që kanë qenë të angazhuar në zgjedhjet e 6 tetorit 2019.

Kështu ka bërë të ditur për mediat vendore, zëdhënësi i KQZ-së, Valmir Elezi.

Ai ka thënë se deri tashti në Ministrinë e Financave janë dërguar listat e personave të angazhuar në 22 komuna.

“Deri tashti janë dërguar për në Ministrinë e Financave listat për personat e angazhuar në 22 komuna: Deçan, Gjakovë, Drenas, Istog, Kaçanik, Klinë, Fushë Kosovë, Mitrovicë, Lipjan, Obiliq, Pejë, Skenderaj, Suharekë, Vushtrri, Zubin- Potok, Junik, Mamushë, Han i Elezit, Graçanicë, Ranillug, Partesh dhe Kllokot”, ka thënë ai.

Elezi ka thënë se për shkak të ndonjë gabimi teknik mund që të mos i transferohen paratë ndonjë personi.

Por sipas tij për këtë problem ata mund të drejtohen te Komisionet Komunale të Zgjedhjeve në komunën përkatës

“Mund të ndodhë që ndonjë personi të mos i transferohen mjetet për shkak të gabimeve në shënimin e numrit të llogarisë apo edhe për shkak se llogaria mund të mos jetë aktive. Këto raste duhet të bëjnë përmirësimet e nevojshme tek Komisionet Komunale të Zgjedhjeve në komunën përkatëse ku kanë qenë të angazhuar dhe do të ridërgohen për transferim të mjeteve që u takojnë”, tha ai.

Numri i anëtarëve të këshillave të vendvotimit dhe stafit teknik që janë angazhuar në zgjedhjet e 6 tetorit është rreth 23 mijë persona.

Shfaq komentet
comments powered by Disqus
Sot mund të lexoni Shfletoni kopertinat