Ish-ambasadori i Kosovës, Lulzim Peci, përmes një postimi në Facebook fillimisht ka shpjeguar arsyet se pse deri më tani nuk është arritur marrëveshja mes VV-së dhe LDK-së, përcjell “Bota sot”.
Sipas tij, mos-arritja e deritanishme e marrëveshjes për koalicion në mes VV-së dhe LDK-së mund të shpjegohet vetëm përmes frikës që është rezultat i “tradhtive” që i kanë përjetuar në të kaluarën.
Mes të tjerave ai ka bërë edhe një thirrje që të arrihet marrëveshja sa më parë, që mos të mbahet populli peng.
Ja shkrimi i tij:
Mos-arritja e deritanishme e marreveshjes per koalicion ne mes VV dhe LDK mund te spjegohet vetem permes frikes qe eshte rezultat i “tradhetive” qe i kane perjetuar ne te kaluaren. Kjo frike ne esence nuk ka te beje me njeri tjetren, por ajo reflektohet me mos-besim te madh ne mes tyre.
Perndryshe, se paku une nuk shoh asnje spjegim tjeter racional per mos-arritjen e marreveshjes per koalicion ne mes tyre.
VV e ka te fresket “tradhetine” e brendshme nga ndarja e nje pjese te saj qe u formesua ne PSD, ndersa LDK ende lengon nga “tradhetia” qe e perjetoi nga PDK ne 2017.
Aman, hjekeni “lepurin nga barku” dhe arrijeni marreveshjen, e mos e mbani nje popull peng. Besimi jepet, dhe ai ose zvenitet apo forcohet me kohe.
Si thojne ne gjuhen angleze “give trust a chance” - jepini besimit nje shans.
